魚魂98 (已結業)

真係唔好食呢間，唔想大家哂錢哂時間哂胃🤮 比錢買難受！🤬

事源係咁的，喺旺角唔知食咩好就周圍行，見到呢間個menu靚靚仔仔咁就膽粗粗入去試吓，點知一試就試伏😓

與現實不符的餐牌

Menu你睇，幾靚仔

我地嗌咗個燒和牛粒丼同燒柚子牛舌烏冬。

燒和牛粒丼

$85

個炸雞呢就比得三粒，唔熱唔脆冇肉汁嘅。

個沙律就係見到預先整定咗好多放喺吧枱，其實放雪櫃咪好，就咁冇遮過放喺餐廳😰

個飯同圖唔同。好失望🙄 好似街市三餸飯嘅三色椒炒牛仔粒咁，一啲日本丼飯嘅感覺都冇😑 食落就同喺葵廣買$29嘅焗牛仔粒差唔多，唔知比$85黎做咩😅 啲飯痴牙、太諗。

燒柚子牛舌烏冬

$72

個牛舌烏冬就唔知食緊啲乜😓 牛舌口感似牛腩 仲要好難食😓 糖心蛋冇調味過，冇味的。烏冬冇咩特別，算係今餐最好食嘅野架啦😊

打咁多字因為真係好嬲，埋單$186比啲咁嘅我食，我不如去旺中掃街好過！🤬 比錢買難受！