阿爺八鮮鍋 (已結業)

今晚同朋友上去幫襯，完全中伏。首先上菜極慢，個雞煲由坐低點菜之後，足足等咗接近25分鐘先上檯，但打煸爐用嘅龍蝦仔同帶子已經早雞煲15分鐘奉上，龍蝦仔唔新鮮，失敗！雞煲反而唔錯。 食完之後主角火鍋上場，但個鴛鴦鍋完全唔掂，蘿蔔牛腩湯冇乜味，冬陰公湯得個辣，完全冇酸味！究竟知唔知泰文「冬陰公」點解呢? 係酸辣蝦湯呀！酸味去咗邊呀? 得個死辣，已經嬲到我死！好，咁唯有唔將食物放入冬陰公嗰邊淥啦！淥完牛肉點吓個自己調較嘅醬，嘩！鹹死人喎！原來佢個豉油鹹到離哂譜！建議血壓偏高人士不要去，否則後果自負。自己都幫襯過唔少火鍋店，間間都有二至三款醬油或醋選擇，但呢間就只有一款提供，仲要鹹到死，失敗！雖然話限時任食，但每次點菜都只限叫六款，每款份量按人數決定，即是你不能一次叫6份牛肉，你只能點剔餐牌上最多六款不同的食物，如果你只想吃牛肉，你只能落六次單，每次只送來按人數計嘅牛肉！今晚只有我和朋友共兩個人，所以每次都只送來4小片牛肉，即是1人分得兩小片！而且上菜速度慢！真係做得小家！失敗！朋友叫咗個烏冬，我一望就皺眉，因為解凍未夠，上枱時仲見到雪花！失敗！食完叫雪糕就最衰，冇得自己揀味道，係佢拎到邊隻味畀