影片
更多
2018-11-04
407 浏览
差差差 劣劣劣小女子從來都冇寫過食評, 但今晚同朋友食過鮨見之後真係忍唔住要寫食評提提大家不要再受騙.今晚諗住喺尖沙咀食omakase, 見呢間鮨見食客評分高, 個個都讚不絕口, 姑且一試.餐廳地址係喺住宅式酒店二樓, 一入到餐廳,座位大約有12個, 裝修唔係食評人講到咁出位, 有一種扮正宗壽司店感覺.由第一道小食開始來個日式墨魚仔蒸蛋魚肝都好似冇乜問題, 到真正嘅廚師發板, 看似日本人但口中帶英文夾普通話嘅師傅, 感覺開始有啲怪.我眼見師傅桌上嘅魚生乾爭爭, 我心諗呢幾塊魚生唔係要比我地食嘛? 由第一件嘅深海池魚, 大吞夾uni, 仲有幾件唔知係乜, 佢差不多每件都加上酸汁同葱, 又或者用火槍去燒幾下先發比我地食. 每食完一件, 佢都會問我地ok? Yes!講真佢真係說話多過乜, 我地食汁多過食魚生.再講講佢嘅刀法, 我真不敢恭維. 每切完魚生,佢都會將把刀大力掉落木枱上, 我真係未見過如此境況. 試問魚生刀係師傅嘅搵食架生, 大家有冇見過師傅會咁對自己把刀?佢好似好細心握握壽司飯, 將魚生細刀細刀切成格仔型, 但真心刀功真的好一般, 厚到我真係要吐出來, 再加上魚生一定唔新鮮,
小女子從來都冇寫過食評, 但今晚同朋友食過鮨見之後真係忍唔住要寫食評提提大家不要再受騙.
今晚諗住喺尖沙咀食omakase, 見呢間鮨見食客評分高, 個個都讚不絕口, 姑且一試.
餐廳地址係喺住宅式酒店二樓, 一入到餐廳,座位大約有12個, 裝修唔係食評人講到咁出位, 有一種扮正宗壽司店感覺.
由第一道小食開始來個日式墨魚仔蒸蛋魚肝都好似冇乜問題, 到真正嘅廚師發板, 看似日本人但口中帶英文夾普通話嘅師傅, 感覺開始有啲怪.
我眼見師傅桌上嘅魚生乾爭爭, 我心諗呢幾塊魚生唔係要比我地食嘛? 由第一件嘅深海池魚, 大吞夾uni, 仲有幾件唔知係乜, 佢差不多每件都加上酸汁同葱, 又或者用火槍去燒幾下先發比我地食. 每食完一件, 佢都會問我地ok? Yes!
講真佢真係說話多過乜, 我地食汁多過食魚生.
再講講佢嘅刀法, 我真不敢恭維. 每切完魚生,佢都會將把刀大力掉落木枱上, 我真係未見過如此境況. 試問魚生刀係師傅嘅搵食架生, 大家有冇見過師傅會咁對自己把刀?
佢好似好細心握握壽司飯, 將魚生細刀細刀切成格仔型, 但真心刀功真的好一般, 厚到我真係要吐出來, 再加上魚生一定唔新鮮, 試問新鮮美味嘅魚生, 點解要用上醬汁同火槍去加工?
真係十萬個為什麼???
我十分同意11/5食評人嘅意見.
現今打手實在太多, 我哋都係因為眼見食評咁好而上前試試.
我哋希望睇到呢編食評嘅朋友, 上去前請三思, 呢啲咁都叫omakase的話, 我真係以後都唔食啦, 寧願去食連鎖迴轉壽司店好過, 肯定會比呢間更新鮮更美味
张贴