ROYAL INN

今晚約朋友在銅鑼灣吃飯，在他辦公室皇室堡三樓一間西餐廳，裝修靚到不得了，猶如置身伊甸園，估唔到香港都有咁華麗咁靚，又坐得咁舒服嘅地方。邊度唔單止環境靚，餐具和擺設都別有心思，簡單講，真是任意影都很出片！點左個燒三文魚tubettini, 醬汁好濃厚香滑亦都好有海鮮味，三文魚份量非常足夠，皮同肉都煎得好香脆，我同朋友都讚不絕口。另外點左經典西餐帶子番紅花Risotto，呢度菜最難喺煮出番紅花獨有既香味，而呢間餐廳就做得到，可以稱得上色香味俱全。其實兩個主食啦兩個都夠食，但係呢度都幾有水準，所以我地決定點多一份薯條同甜品試下。白松露薯條，喺用新鮮香脆嘅粗薯條，配上有獨特風味嘅把白松露醬，完美的佐酒小吃。甜品點左我最鍾意嘅香蕉朱古力Crepe, 係西式帶日式fusion, 薄身crepe,上面放左有焦糖加冕嘅香蕉和西柚伴碟，美倫美煥的清新感，唔太甜，很可口。