好旺角粥麵專家 (已結業)

應邀跟小慧到旺角 Neway 唱卡拉 ok，劈酒前梗係食少少野、打打底先上房啦，想自殺咩 ﹗點知係瓊華一路行都搵唔到麵檔，行行下差不多到好景商場，見到好旺角只有食客三四個，仲大把位唔洗等，即刻坐低啦 ﹗依間好旺角咁新既？裝修乾淨又美觀，仲係電腦打單添喎，跟旺角中心對面間好旺角店完全唔同。雲吞麵走蔥，細細碗雲吞麵都要 $27 蚊，都幾貴喎 ﹗仲要係兒童迷你版囉。淨係見到鹼水麵，雲吞收埋晒係底，撈出黎見下人先。熱辣辣又香噴噴，湯底都幾滿意，夠濃郁帶甜，不過幼麵略有少少鹼水味囉，幸好都好爽口彈牙。雲吞普普通通地合格，有肉有蝦又無過咸，無咩特別，食完唔會記得。