黃金車仔麵 (已結業)

車仔麵，我諗香港人成日都食我都好鍾意，特別是去啲唔同區域嘅車仔麵檔試新味道。今日試呢間位於寶琳地鐵站對面。其實食車仔麵，你都唔會要求佢入邊啲裝修會有幾好，通常入到去地板都會有啲污糟有少少油，但呢間一入嚟就會俾人感覺乾淨，舒適，簡潔。叫野食，我叫咗個豪華六寶面，膽行友人即散叫車仔麵。出面叫得呢啲4567寶飯麵都係樣樣少少，呢個六寶真係樣樣餸郁多，連麵都多。牛腩唔係浸到爛晒嗰種，有咬口，但唔會好硬，無乜渣 入味麵筋個酸甜醬做得好好 好開胃個人覺得佢個魷魚最好食，辣汁少少辣，香到不得了。炸韮菜餃滿滿的韮菜，炸到唔會好乾 咬落去仲有汁水，咬落去嗰下差啲辣親個嘴😂，呢個真係好好好好食，鍾意食韮菜既朋友十分推薦！