Garden Bar & Restaurant (已改名) 查看

今日喺尖沙咀見有間新開嘅Bar & Restaurant就入去試下。一入到去就好似去左流星花園咁，環境好靚似身在花園，配合柔和燈光同音樂，一流gathering地點。頭盤我地叫左水牛城芝士配有機蕃茄，同埋吞拿魚配牛油果沙律，兩個頭盤都好fresh好新鮮，特別係個吞拿魚牛油果沙律，原來吞拿魚配牛油果個味可以咁夾。 主食叫咗牛腹腔肉扒配薯菜，同埋海膽蟹肉芝士天使麵， 我平時少機會食牛腹腔肉扒，發覺原來好有牛味，口感亦一流，海膽新鮮蟹肉亦好有鮮味，配埋芝士天使麵食係絕配， 另外佢哋嘅cocktail都做得好出色，有bartender悉心調教及準備。而且Cocktail名全部係花語名或意境名。今次試左園吻及秘境， 下次試埋其他！