大爺燒鵝 (石圍角村)

噚日（23-6-2024 Sun）晏晝，老公去完教會返嚟， 就喺呢度買平價飯盒，上次21-6-2024（Fri）我就已經食咗全瘦燒肉飯 ，今次我就叫我老公問雙拼係咪都係$25.00蚊，如果係，我就要燒鴨切雞飯，老公問完答係，咁就買咗呢個飯，而佢自己要燒腩仔紅腸飯。

好耐好耐好耐，佢至返到嚟， 經過上次我已經有心理準備，飯餸嘅份量都唔多，咁今次睇下兩個飯盒 餸嘅份量好似比一種燒味嘅多好多，但菜就一個多啲一個少啲，份量隨（師父）意？

上：燒鴨切雞飯，下：燒腩仔紅膠飯

$50

睇睇切雞，俾咗雞翼位，

一食，都幾鹹，其實我要白切雞，唔係鹽水或鹽焗雞；燒鴨俾咗啖啖肉嘅鴨胸，口感味道都中規中矩：燒腩仔呢？都唔算好肥，個皮都仍脆嘅，而紅腸就有啲係厚切，但係好似食到啲偏肥嘅口感。

而飯都係偏濕。

2.66分

上：燒腩仔紅膠，下：燒鴨切雞