影片
更多
2023-03-07
77 浏览
🌟餐廳：小曼谷海鮮燒烤屋📍地址：九龍城太子道西398號御太子地下1-3號舖💰價位：～$100 - $200⏰營業時間：星期一至日 11:00 - 22:30📱電話：27167818呢排鍾意食d東南亞口味既菜式～今日就約左朋友仔去九龍城呢個小泰國，一於就去最具名氣既「小曼谷海鮮燒烤屋」歎下先，佢地屹立九龍城多年，質素肯定有保証～———————————————————🔹BBQ串燒拼盤（豬肉、牛肉、雞肉、泰式臘腸、雞全翼及雞腎）一個價錢就可以試勻6款串燒，都幾抵食～幾款串燒即叫即燒，熱辣辣香噴噴～我地就最鍾意燒雞腎，咬落有口感而且爽脆，搭配自家制沙嗲醬就更加惹味～———————————————————🔹泰式燒牛仔骨除左串燒，我地仲另外叫多份泰式燒牛仔骨～呢份牛仔骨一共有3大件，燒得好脆好香口，牛仔骨啖啖肉又多汁，必試～———————————————————🔹豬肉碎生菜包（少辣）識我既朋友仔都知我必點呢個菜式～佢地既生菜好爽脆，豬肉碎用上多種泰式香料，如洋蔥、檸檬葉、辣椒及魚露等爆炒，鎖緊肉汁，食落辣辣地夠哂惹味，搭配新鮮既生菜包住黎食，解辣又惹味～———————————————————🔹黃咖
📍地址：九龍城太子道西398號御太子地下1-3號舖
💰價位：～$100 - $200
⏰營業時間：星期一至日 11:00 - 22:30
📱電話：27167818
呢排鍾意食d東南亞口味既菜式～今日就約左朋友仔去九龍城呢個小泰國，一於就去最具名氣既「小曼谷海鮮燒烤屋」歎下先，佢地屹立九龍城多年，質素肯定有保証～
———————————————————
🔹BBQ串燒拼盤（豬肉、牛肉、雞肉、泰式臘腸、雞全翼及雞腎）
一個價錢就可以試勻6款串燒，都幾抵食～
幾款串燒即叫即燒，熱辣辣香噴噴～
我地就最鍾意燒雞腎，咬落有口感而且爽脆，搭配自家制沙嗲醬就更加惹味～
———————————————————
🔹泰式燒牛仔骨
除左串燒，我地仲另外叫多份泰式燒牛仔骨～呢份牛仔骨一共有3大件，燒得好脆好香口，牛仔骨啖啖肉又多汁，必試～
———————————————————
🔹豬肉碎生菜包（少辣）
識我既朋友仔都知我必點呢個菜式～佢地既生菜好爽脆，豬肉碎用上多種泰式香料，如洋蔥、檸檬葉、辣椒及魚露等爆炒，鎖緊肉汁，食落辣辣地夠哂惹味，搭配新鮮既生菜包住黎食，解辣又惹味～
———————————————————
🔹黃咖喱雞 + 泰式蒜蓉包
呢份黃咖喱雞味度甜甜地唔算辣，好岩香港人口味，雞肉大大件又嫩滑～
重點當然係叫份泰式蒜蓉包點咖喱汁食，超好味，蒜蓉包蒜味濃郁又夠香脆，同咖喱汁好夾~
———————————————————
🔹小曼谷炒米粉
呢度既招牌米粉～材料用上蝦、泰式扎肉，混合雞蛋、洋蔥及辣椒炒制而成，大大碟好夠鑊氣～
———————————————————
🔹小曼谷原隻芒果糯米飯
點少得叫返個地道泰式甜品～呢款小曼谷原隻芒果糯米飯上菜時已將成個芒果起肉，食落好方便～糯米飯再加上椰漿食落香甜煙韌，而芒果就好香甜，食落好滿足~
———————————————————
🔹 青檸菠蘿沙冰
夠哂解渴，食辣野必飲~青檸菠蘿味道微微酸，超正～
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳位於九龍城鬧市，好熱鬧～晚飯時間仲安排左歌手live show唱歌表演，氣氛一流～食物方面，份量都幾充足，而且泰式食物選擇眾多，緊有一款岩你心水～
张贴
