禾牛西日餐廳 (已結業)

今日來開呢區做嘢！同事話呢間食物唔錯，坐低係西餐廳格居！不過裝修比較粗糙，而且餐廳內有烏蠅陪住食，飛來飛去比較煩人！叫咗：夏威夷焗豬扒飯--都要等一陣，上枱賣相好靚仔，橙紅色醬汁上面有半溶芝士醬！醬汁酸酸地幾開胃，飯份量好少，不過係炒過，煙煙韌韌幾好味，仲有少許蕃茄肉同紅腰豆，女仔都係剛剛好！豬扒已切件，淋身好味！餐飲熱檸水正常！其實食得好短時間，唯一一個女侍應都好爽手，落單上菜收錢一腳踢！都無乜要求！廁所我去附近政府公廁，因為比較大舒服啲！