創意廚房 (已結業)

去到銅鑼灣食野，想避開人煙密集既地區搵食既我行行下行到聖保祿中學附近，見到有條街開左5少餐廳，窮撚既小分就揀左間價格較平既"創意廚房"，試試佢。小店裝修幾闊落，坐得ok舒服，而且廚師喺廚房播住歌，都幾好。 重點，餐牌我覺得選擇都好多種類，有日中西式都有，而且都係50~70數，不難選擇。小弟最後叫左個魚柳炸蝦蛋包飯配紅豆冰，聽落豐富，希望食落好食啦。等左10分鐘，野食黎齊，賣相我覺得很好，份量一睇就知夠我食，滿意。味道方面，蝦比較硬，皮不脆，可改善; 炸魚勝在夠滑，可以; 蛋包飯蛋有微微芝麻油香，有蛋味，我覺得好食，但中間包住白飯(係炒飯會加分)。 整體，50蚊既蛋包飯，很可以了。另外，紅豆冰我覺略嫌奶水偏淡，紅豆味不算重，但都有粒粒紅豆咬，還可以，我猜是無另加糖水吧，健康一回無妨。總括，係食得飽飽既一餐，食物環境不錯，會再去，試下其他。(少點人潮嘛，不過晚上人流同價格如何就有待其他人發現了)