泰 (銅鑼灣廣場二期) (已結業)

難得有日放假去老銅，同朋友食左間平靚正又少少fusion泰菜，熱辣辣叫左個椰青同埋泰式奶茶嘆下再慢慢點菜。食泰菜必食椰菜苗，今次揀馬拉盞，稍為硬少少，如果脆口d就正喇！跟住黎半打泰式沙嗲，豬牛雞都燒得勁好食，要揀次序我就揀雞豬牛，而朋友就話牛雞豬，各有喜好。另外好少可有小食係脆烤家殼蟹，配一碟仔咖哩，唔會太多又食倒多d款式。新鮮炸起嘅軟殼蟹，食個時先點咖哩，超脆！既然有咖哩汁，就唔好浪費，點埋薄餅，亦係個人最鍾意食泰國野（或者印度野必點），雖然油膩少少，不過唔邪惡嘅野點會好味道。同大食朋友仲點埋shake Shake 海鮮，有三款，五款或八款可以揀，因為我地仲想食甜點，所以揀左三款-虎蝦，墨魚仔同鮑魚，配泰式辣汁，餐廳會幫手shake同埋剝埋鮑魚殼，排得靚靚仔仔咁比番你，惹味。新鮮，爽口，彈牙，就算配左辣汁都唔會蓋過海鮮味。最後點少得芒果糯米飯，份量超超超大份，有一碗白色糯米，如果係雙色嘅就perfect池喇。