1杯雞 (已結業)

呢間鋪已經幫襯過好幾次，首先要講個包裝真係要諗吓辦法，每次拎起行幾步個蓋就會彈起，今日放咗喺環保袋，結果連裡面嘅口水雞汁都流到成個袋都係⋯

味道方面，其實啲雞都唔錯嘅，當然呢個價錢不能要求太高（$38手撕雞陳村粉+另加海蜇），所有嘢都正正常常既！口水汁都辣得幾過癮。

可惜，可能陳村粉本身熱，我拎到返屋企已經黐埋咗一舊….. 要慢慢分翻開，但都有啲困難…


之前買過幾次，份量時多時少，上一次少左好多所以都一段時間冇幫襯，時間大約三個月突然好想食，但今次份量都正常返的！