人人和平小飯店 (已結業)

之前聽佢既盆菜聽得多，今年終於有機會食。鮑蔘豐盛盆菜盆菜擺盆好靚，真係符合佢既名「豐盛」，裡面有鮑魚、海參、海蝦、花膠、金蠔、瑤柱甫等等，而且每個食材都好大舊，絕對會比到你驚喜。底盆就有髮菜、鯪魚球、蓮藕、炸魚蛋、枝竹、芋頭、魷魚、豬皮、蘿蔔，全部都好入味，好好食😋。元蹄完全超乎想像，好大個，整得好淋，好味程度爆分。值得加分既係佢既醬汁，一落盆菜個刻已經嗅到佢既香味。佢既盆菜係可以加錢加量，我地8個人就叫左8人份，都食唔哂🤣。