影片
更多
2022-09-27
57 浏览
位置好方便，係銅鑼灣C出口斜對面上樓上就係。有得散叫/套餐，套餐性價比高啲，又可以試多幾款，唔大食既話3個人食都得。晚市二人套餐 ($468)明爐冬蔭功海鮮湯 (+$12)冬蔭功就係要明爐上先咁正，熱辣辣再加上濃郁既香味，真係聞到已經開胃。超足料，有2大隻蝦🦐 ，仲有青口，魷魚，菇可以再多啲😗 湯酸酸辣辣，真係又惹味又開胃👍🏼同埋唔好睇少個爐，都裝到成4碗仔咁多。青木瓜沙律又係一道開胃菜，味道集酸甜辣於一身，而且青木瓜口感爽脆😛泰式沙嗲串燒4串揀咗2雞2牛，兩款都好食，雞肉會嫩啲，牛就炭香味重啲。兩款燒既熟度都岩岩好，點埋個沙嗲汁，好食呀。泰式鮮蝦炒金邊粉 (+$28)不嬲金邊粉係食泰菜必嗌，鹹甜酸有齊晒，炒得好惹味，尤其是我覺得啲蛋特別好味😋除此之外，都幾多隻蝦同豆乾，食到好滿足。泰式炒雜菜呢個冇得揀用咩炒，我自己就鍾意用馬拉盞炒，不過呢個都唔錯，粟米芯同芥蘭好味，不過偏鹹咗小小。原條青檸明爐烏頭魚 (+$38)好大條呀，呢個套餐真係好豐富。條魚越煮越入味，肉質都鮮嫩，再加埋青檸，真係好似番咗泰國呀。榴連麻薯 (+$28)外皮Q彈，軟糯香甜，內餡榴連蓉超香濃。榴連fans記住嗌呀😚原
位置好方便，係銅鑼灣C出口斜對面上樓上就係。有得散叫/套餐，套餐性價比高啲，又可以試多幾款，唔大食既話3個人食都得。
晚市二人套餐 ($468)
明爐冬蔭功海鮮湯 (+$12)
冬蔭功就係要明爐上先咁正，熱辣辣再加上濃郁既香味，真係聞到已經開胃。超足料，有2大隻蝦🦐 ，仲有青口，魷魚，菇可以再多啲😗 湯酸酸辣辣，真係又惹味又開胃👍🏼同埋唔好睇少個爐，都裝到成4碗仔咁多。
青木瓜沙律
又係一道開胃菜，味道集酸甜辣於一身，而且青木瓜口感爽脆😛
泰式沙嗲串燒4串
揀咗2雞2牛，兩款都好食，雞肉會嫩啲，牛就炭香味重啲。兩款燒既熟度都岩岩好，點埋個沙嗲汁，好食呀。
泰式鮮蝦炒金邊粉 (+$28)
不嬲金邊粉係食泰菜必嗌，鹹甜酸有齊晒，炒得好惹味，尤其是我覺得啲蛋特別好味😋除此之外，都幾多隻蝦同豆乾，食到好滿足。
泰式炒雜菜
呢個冇得揀用咩炒，我自己就鍾意用馬拉盞炒，不過呢個都唔錯，粟米芯同芥蘭好味，不過偏鹹咗小小。
原條青檸明爐烏頭魚 (+$38)
好大條呀，呢個套餐真係好豐富。條魚越煮越入味，肉質都鮮嫩，再加埋青檸，真係好似番咗泰國呀。
榴連麻薯 (+$28)
外皮Q彈，軟糯香甜，內餡榴連蓉超香濃。榴連fans記住嗌呀😚
原個鮮椰青 (+$34) | 柚子金桔檸檬特飲 (+$24)
2個都係解暑/解渴必叫，超fresh同鮮甜🥰
张贴
