影片
更多
2019-05-30
86 浏览
今日係北角開完會，約左好耐無見面嘅型男好友食晚飯，想係附近搵間坐得舒服啲嘅餐廳傾下計，咁啱途經南洋麵屋，見餐廳裝修得幾時尚光猛，食物選擇種類亦頗多，於是二話不說，入內光顧。我們一坐下來，店員就迅速地送上兩杯水，服務周到，拿起餐牌，見餐牌封面跟內頁嘅設計都很精美，食物及飲品種類選擇亦充足。我們見鄰座嘅食客一入店內就即刻點了大蝦🦐撈麵及馬拉盞炒通菜，似乎是熟客，點的餸菜亦很快上枱，見賣相不錯，於是就點了呢兩款食品及海南雞叻沙摻摻。海南雞同叻沙摻摻分開上，配以薑茸及辣椒醬，海南雞🐔鷄肉嫩滑，皮和肉之間有一層啫喱狀的膠汁，入口即溶。印象中，有友人提及過，這一層啫喱是膠原蛋白，要做到這種效果，雞肉要煮到剛剛熟，然後立即浸冰水，令膠原質凝固。以前，我仲以為係雞油或脂肪，原來係女士恩物。另叻沙湯底配料有魚片、豆腐卜、雞蛋🥚、芽菜等，材料豐富。我跟好友都認為性價比高，但若果海南雞用青瓜伴碟，叻沙椰香味再多一點，醬料加埋黑豉油，就更加好味喇！蝦🦐撈麵配上一碗冬瓜湯，蝦肉味道清淡，甜醬油加上香蔥、蒜茸、芽菜、豆卜，同油麵撈埋一齊食，層次感豐富。通菜用煲仔盛載，上枱時，好有鑊氣，通菜新鮮翠綠，口感爽脆，份量
我們一坐下來，店員就迅速地送上兩杯水，服務周到，拿起餐牌，見餐牌封面跟內頁嘅設計都很精美，食物及飲品種類選擇亦充足。
我們見鄰座嘅食客一入店內就即刻點了大蝦🦐撈麵及馬拉盞炒通菜，似乎是熟客，點的餸菜亦很快上枱，見賣相不錯，於是就點了呢兩款食品及海南雞叻沙摻摻。
海南雞同叻沙摻摻分開上，配以薑茸及辣椒醬，海南雞🐔鷄肉嫩滑，皮和肉之間有一層啫喱狀的膠汁，入口即溶。印象中，有友人提及過，這一層啫喱是膠原蛋白，要做到這種效果，雞肉要煮到剛剛熟，然後立即浸冰水，令膠原質凝固。以前，我仲以為係雞油或脂肪，原來係女士恩物。另叻沙湯底配料有魚片、豆腐卜、雞蛋🥚、芽菜等，材料豐富。我跟好友都認為性價比高，但若果海南雞用青瓜伴碟，叻沙椰香味再多一點，醬料加埋黑豉油，就更加好味喇！
蝦🦐撈麵配上一碗冬瓜湯，蝦肉味道清淡，甜醬油加上香蔥、蒜茸、芽菜、豆卜，同油麵撈埋一齊食，層次感豐富。
通菜用煲仔盛載，上枱時，好有鑊氣，通菜新鮮翠綠，口感爽脆，份量豐富，馬拉盞配入炸蒜，味道剛剛好，不會太鹹。
整體而言，呢一餐算係食得幾滿足，以北角區來説，環境、服務、食物質素及價錢都令人滿意的，想搵個舒適環境跟友人傾下計，是不錯的選擇。
张贴
