SP Flower & Tea Room (尖沙咀中心) (已結業)

初頭喺網上見到D相好靚，又係花主題，所以朋友生日就同佢食個tea入面格局幾靚，但唔係坐窗邊就真係冇咩特別Afternoon Tea嘅價錢都唔平，最後點咗個望相睇落幾靚嘅pancake＋奶茶：鮮莓荔枝玫瑰Pancake送上嚟個刻其實都幾失望。過百蚊一碟pancake，pancake睇落已經好乾又細份，生果擺盤得幾粒，點影都唔靚味道呢？都係好普通，就算夾住cream食都係好乾...完全食唔到所謂嘅玫瑰味，生果又酸。成碟甜品分量細，兩啖食完，好似食咗陣風咁。另外奶茶亦係普通貨色，茶餐廳嘅仲好飲。我覺得一個真正同嚟打卡嘅餐廳，野食要靚同好食。見其他食評，相係靚，但係咪真係好食就唔知喇。我淨係知道今次食呢個afternoon tea真係好失望，食一次就夠。