茶魚飯后

营业中

休息中

彩明商場裝修後，原本3樓只有酒樓一間食肆，而家變成一間連鎖式餐廳，一間茶餐廳。今次試嘅係有埋麵包部嘅茶餐廳，下午茶時間唔算多人，茶餐款式亦算多，除咗輕食嘅下午茶，仲有比較飽肚嘅粉麵飯。食物味道可以，同一般茶餐廳無差別，我覺得餸菜算多。不過服務就麻麻，幫我哋落單無將飲品打落茶餐度另收費，我哋發現改單後就咁加返錢落茶餐，收正價飲品無删除，比錢要再改露出極不耐煩表情加埋講“唼”字，不過收銀員講咗多次唔好意思。酥皮蛋撻，層次夠，不過只係微微暖。雪山西多士，分三件上碟，每件上面都放一小塊牛油，只需一開二就可以，方便食客，糖漿獨立包裝更衞生。美極乾炒牛肉河粉，中規中矩。忌廉汁蘑菇焗雞扒意粉，雞扒都幾多，份量滿意，味道可以。紫菜照燒汁雞扒魚柳意粉，好味過上面嘅意粉，無咁淡。五香牛雜河，無特別。