NINETYs (形點 I) (已結業)

4月20日夜晚去咗形點外賣自取買，買咗龍蝦意粉、蟹肉意粉，同埋茄子沙律，拎外賣時已覺輕漂漂，返到屋企食果下先至震驚，啲意粉乾爭爭，無乜source ，食落好硬好乾無乜味，佢果種硬係唔係Al Dente 果種硬，而係完全未煮熟，好恐怖，未食過咁難食嘅意粉，然後隻半件龍蝦得果兩啖肉，隻鉗仲未碎，搞到我要入廚房拎把菜刀嚟扑隻龍蝦鉗，然後蟹肉意粉都係乾，味道比龍蝦意粉稍好一點兒，但都係唔掂，最正常係茄子沙律，二百五十幾蚊，兩個人食完完全唔飽，搞到要落街買糖水補飛，真係好伏，無下次。