影片
更多
2024-11-24
544 浏览
見到係區內嘅新餐廳，朋友試過午餐覺得唔錯，就去試下個晚餐，點知原來係一個大伏。 我地兩個人唔係太餓，怕食唔晒二人餐就決定散叫 share。我地成餐飯總共點左四樣嘢，包括一份炊飯、一份雞皮餃子、一份味噌蠔、同埋一杯水果茶。埋單總數接近$500。首先上枱既係$68嘅雞皮餃子，總共有五粒，雖然油咗少少，但味道ok，當時都無諗過原來係成餐飯份量最正常嘅嘢食。之後上枱嘅係炊飯，面頭有幾舊切開咗嘅豬，然後一撩落個飯度，就發現得薄薄一層，成兜加埋都唔知有冇一碗飯。雖然味道唔錯，但個份量少到可憐，豬肉又有筋，承惠$188完全講唔過去。另外，一個最扣分嘅位係碗盤設計唔細心，裝飯嘅金屬pan好熱，下面有一隻size岩岩好嘅碟盛住方便店員上菜，但中間並無膠墊墊住防滑，一撩個飯，就成個pan轉，好容易辣到手。雖然店員上菜嘅時候有提個手柄好熱要小心，但之後上菜又張熱辣辣嘅手柄對正我手邊，完全係靠害，勁唔細心。除咗炊飯，我哋仲點咗一份$158蚊嘅味噌蠔，呢個先最衝擊。成兜得四粒細隻嘅蠔，而且除左蒜頭之外，就無其他配菜，點對得住個價錢呀！原本我地都無打算叫飲品，因為選擇唔太吸引。但因為我地嘅位置係柱後面，完全無冷氣
我地兩個人唔係太餓，怕食唔晒二人餐就決定散叫 share。我地成餐飯總共點左四樣嘢，包括一份炊飯、一份雞皮餃子、一份味噌蠔、同埋一杯水果茶。埋單總數接近$500。
首先上枱既係$68嘅雞皮餃子，總共有五粒，雖然油咗少少，但味道ok，當時都無諗過原來係成餐飯份量最正常嘅嘢食。
之後上枱嘅係炊飯，面頭有幾舊切開咗嘅豬，然後一撩落個飯度，就發現得薄薄一層，成兜加埋都唔知有冇一碗飯。雖然味道唔錯，但個份量少到可憐，豬肉又有筋，承惠$188完全講唔過去。另外，一個最扣分嘅位係碗盤設計唔細心，裝飯嘅金屬pan好熱，下面有一隻size岩岩好嘅碟盛住方便店員上菜，但中間並無膠墊墊住防滑，一撩個飯，就成個pan轉，好容易辣到手。雖然店員上菜嘅時候有提個手柄好熱要小心，但之後上菜又張熱辣辣嘅手柄對正我手邊，完全係靠害，勁唔細心。
除咗炊飯，我哋仲點咗一份$158蚊嘅味噌蠔，呢個先最衝擊。成兜得四粒細隻嘅蠔，而且除左蒜頭之外，就無其他配菜，點對得住個價錢呀！
原本我地都無打算叫飲品，因為選擇唔太吸引。但因為我地嘅位置係柱後面，完全無冷氣，太焗既關係，都忍唔住要叫杯凍飲。
最後埋單計數，兩個人都冇食過啲咩，都要接近$500。雖然味道唔錯，但份量少嘅程度實在太誇張，性價比極低。今次當買個教訓，絕無下次！
张贴