富士山 (已結業)

[🇯🇵居酒屋🏮] 富士山🗻———————————————————————今個禮拜又想食日本野，喺銅鑼灣就去咗金巴利廣場睇睇，呢間居酒屋望落入面啲環境都唔錯，又夠空間坐得舒服，而午市定食都係做緊抗疫價$49連野飲😱，佢嘅選擇都唔少，見到咁平就入去試下。———————————————————————火炙魚生飯 🐟 ($49)魚生款式同份量都唔少，三文魚都幾新鮮又肥美，生熟程度都唔錯，佢嘅燒汁都幾好味，成個飯都好好食，不過比想像中細碗，唔洗一陣就已經食哂。———————————————————————日式豚肉炒烏冬 🐷 ($49)賣相有啲頹，一開始會有種中伏嘅感覺。不過食落就知，佢嘅燒汁做得好好，而且加埋紫菜碎，味道上Carry哂成個烏冬。而烏冬係用咗幼身果種，冇煮到淋哂，呢種質地用嚟炒嘅效果原來幾好。豚肉半肥瘦食落少少彈牙都幾正。不過成個份量都係偏少，當下午茶食就OK。