鳥海山鐵板燒

深水埗電腦城後面有間鐵板燒餐廳，平日晚上都座無虛席。座位大概20個之內，有座位圍住廚師鐵板位置，煎起海鮮，牛肉嘅時候香氣撲鼻。Menu有五六款鐵板餐，龍蝦套餐包含四款刺身，活龍蝦，南非鮑魚，鵝肝多士，牛肉，野菜，炒飯。除咗套餐仲可以揀魚生丼飯，例如角切魚生，炙燒丼。燒鮑魚都大大隻，切件都有六舊，食落有牛油香氣夠Juicy。龍蝦啖啖肉，仲有龍蝦膏汁同肉炒埋一齊，夠彈硬牙，果然係新鮮。牛肉薄切加咗蔥粒蒜粒，再了解你想幾成熟。整個餐份量好足夠，捧住個肚回家。