影片
更多
2013-01-29
69 浏览
呢度平時好多人幫襯, 以為好好食啦~ 但試過之後反而覺得D上海小舖頭仔仲好食, 呢度service又一般, 成日要人又唔見人, 冇水要叫同等好耐先有人去斟, 但都叫做主動換骨碟, 又差唔哂, 但未係最好lor~~~好彩我地book位時講咗要梳化位啫, 因為中間d枱都少少迫, 梳化位就冇咁易比人撞到, 同埋坐得鬆動少少, 不過都係得幾張咋, 真係手快有手慢冇..........其實呢度裝修都幾光猛整潔, 坐得都幾舒服, 但到人多時, 會幫你執哂d嘢, 咁你地就要識做走人啦~~我地一行5人, 但d套餐通常都係4位用, 雖然對我地嚟講一定夠食, 不過唔係太吸引, 而且都唔算好平, 最後決定都係散叫...........呢度唔係比花生你做小食, 而係d醃菜, 由於我唔食呢d嘢, 所以唔知好唔好味........ 秘制蒜香骨其實一d骨都冇, 全部都係肉, 仲要係瘦肉, 又鞋又老又乾, 同埋本身個肉冇乜味, 只係靠灑哂面頭炸香咗果D蒜頭 椒鹽小黃魚炸得好香口, 但又唔會過火, 可以做到皮脆肉嫩, 確係唔錯, 連條尾到炸到脆卜卜, 可以食埋, 成條魚只係條主骨食唔到, 其他全部吞哂, 當然個頭係因為
好彩我地book位時講咗要梳化位啫, 因為中間d枱都少少迫, 梳化位就冇咁易比人撞到, 同埋坐得鬆動少少, 不過都係得幾張咋, 真係手快有手慢冇..........其實呢度裝修都幾光猛整潔, 坐得都幾舒服, 但到人多時, 會幫你執哂d嘢, 咁你地就要識做走人啦~~
我地一行5人, 但d套餐通常都係4位用, 雖然對我地嚟講一定夠食, 不過唔係太吸引, 而且都唔算好平, 最後決定都係散叫...........呢度唔係比花生你做小食, 而係d醃菜, 由於我唔食呢d嘢, 所以唔知好唔好味........
秘制蒜香骨
其實一d骨都冇, 全部都係肉, 仲要係瘦肉, 又鞋又老又乾, 同埋本身個肉冇乜味, 只係靠灑哂面頭炸香咗果D蒜頭椒鹽小黃魚
炸得好香口, 但又唔會過火, 可以做到皮脆肉嫩, 確係唔錯, 連條尾到炸到脆卜卜, 可以食埋, 成條魚只係條主骨食唔到, 其他全部吞哂, 當然個頭係因為一早已經切咗, 冇上枱, 所以冇食埋..............不過食落又鹹咗少少, 但只要皮同肉一齊食, 咁就冇咁鹹架喇~上海鹹肉菜炒飯
用切碎的金華火腿+小棠菜粒去炒, 雖然炒到粒粒飯分開, 但落咗好多油, 望落已經令立立, 食1碗仔已經夠皮招牌小籠包
皮唔算認真太薄, 肉又實咗d灌湯生煎包
第一次食生煎包係好似小籠包咁, 中間係有湯的, 未咬落去, 另一邊已經穿咗, d湯流哂出嚟, 變咗唔係灌湯, 因為已經冇哂湯, 但個包煎得好香口, 而中間的餡料同小籠包係一樣, 都係太實, 太肉感外婆紅燒肉
個器皿好大個, 咪以為咁抵食wor~ 其實都係得果10粒8粒仔, 因為只係得上面果1/3個兜仔, 仲要個底墊咗好多豆乾、菇乾之類的物體, 但由於已經變到黑忟忟, 只係d汁太黑啫, 根本睇唔出同食唔出係乜............面頭層皮好多豬毛, 想食都食唔到, 唯有放棄層皮, 但d肥膏又唔係煮到好化, 食落都仲係好油, 至於d肉就老咗少少..........
其實整體上都唔係太得, 又唔係五花腩, 豬皮又整唔淨, d肥膏同肉又炆得唔夠, 食到濟咗幾日...........
上海炒麵
唔同我响d上海舖頭仔食果d麵, 仲以為係粗麵, 但原來係用d扁身同幼身d果隻去炒, 再加d小棠菜絲、肉絲, 面頭再淋d白芝蔴, 係就係油咗d, 但味道唔會好濃, 因為上海炒麵通常都係重油重味.......香菇麵筋煲
當然有香菇同麵筋啦, 但另外仲有筍、小棠菜, 味道OK, 但芡又唔會大杰, 算係唔錯~見到出面好似仲有好多人等位, 所以都廢事阻住人, 食飽就走人~
张贴
