突然想食韓國嘢，行咗一圈，雖然見到呢個鋪噏揼但聽到老闆講韓文，心諗可能係正宗韓國小店，價錢貴少少都ok啦。
比咗錢就叫等5分鐘，整好拎出嚟，一睇，完全係出曬事。
份量係真係好少，少到一個女仔都冇可能食得半飽。（$58）
一食，仲出事⋯⋯
點解？點解舊雞可以淋到完全唔似雞肉？首先佢應該係要炸咗再淋汁㗎嘛？但佢冇！係完全冇炸過嘅！所以係一啲都唔脆㗎！係完全少少脆都冇！
跟著，叫韓式酸辣雞梗係想食雞㗎啦，就係想食到一梳梳嘅雞肉texture。而「理所當然」地佢係一啲都冇㗎！啲肉質溶溶爛爛到似雞肉丸，甚至雞肉丸都係結實過佢啲所謂「雞肉」！真係超級難食！
最後，佢啲醬呀，啲年糕就梗係唔會好食得去邊啦，啲醬汁陣味唔好食，啲年糕好韌，好似
完全冇煮過咁，似攞入微波爐叮兩叮熱咗就算咁。
總結，份量好少，超級難食，唔值得！
