萬發海鮮火鍋菜館 (已結業)

同事 gathering，專人揀咗呢間大角咀嘅萬發。16個人叫咗個12人餐，唔駛加嘢，就知道呢度啲份量大得驚人。一開飯時有個小插曲，就係菜單上明明叫咗乳豬全體，但嚟到係咁嘅樣。經過交涉後就變番一隻乳豬全體。乳豬話係即燒，有啲位係幾鬆脆，但有啲位就奀到咬唔到。薯仔牛肉粒同埋豉油皇中蝦都係呢度名菜，但我覺得啲美極味太重，搶晒食物啲鮮味。豉油雞都係，雞皮比一般嘅燒雞黑好多。 不過隻雞都夠嫩滑。西蘭花斑塊，夠曬鑊氣。豆腐火腩煲，啲菜喺最快食晒，留返晒啲骨腩喺度。炒蟹石頭飯我覺得最好食，因為夠熱，料都夠。另外餐牌上係鮑汁伊麵，由於賣晒， 就變咗豉油王炒麵。阿姐就送多6舊桂花糕當係補償。