稜閣屋 (已結業)

星期六去淘大食lunch間間都排哂隊，見到呢間叫Ringer Hut嘅餐廳無人龍就打算試下。本來以為係好似Pizza Hut咁食西餐，點知原來係食日本菜，唔緊要，照食。.我地叫左兩個飯，一個小食，overall 味道一般，份量多，但你唔會食哂。因為啲白飯唔好食，好耐無試過食到一Pat Pat咁嘅白飯，當中又有啲飯焦，感覺上似係隔夜飯翻煮如果對飯無咩要求，咁可以去食下.重量級牛肉丼啲牛肉調味都算ok，份量都多，一個set有個飯、前菜同湯。吉烈廣場蠔丼嘅蠔係幾好食，炸粉唔算太多，都算ok! 滑蛋太熟，唔太好食。牛肉薯餅係三樣野入面比較好啲嘅一個，炸得啱啱好，唔會太燶，味道都幾好總括而言，咁嘅價錢可以有更好選擇，唔會特別推薦俾大家。