楓 (已結業)

附近好多糖水店，但係食日式蒸蛋糕嘅店暫時只有呢間，所以就入咗去試一試。丸九小山園焙茶醬烤蛋糕蛋糕有四款口味，今次試吓焙茶。蛋糕即叫即整新鮮熱辣，分量完全夠兩人食，蛋糕大過我塊面，上面淋滿似焙茶奶蓋咁creamy，場面好澎湃。因為配住醬汁食，就唔使擔心蛋糕會乾淨淨～配料好豐富，有香蕉、藍莓、蕨餅、芋圓等，可以多種配搭👍🏻除咗日式蒸蛋糕，大阪燒都好吸引，忍唔住叫咗。材料每一口都好豐富，不會得粉漿，值得一讚，有章魚、粟米、椰菜、木魚等，特別一讚章魚量極多！每啖都好rich，係略嫌太多葱（我自己唔鐘意葱），另外，粉漿都整得好夠薄👍🏻仲叫咗2杯冰茶，蜂蜜柚子綠茶&蜂蜜柚子烏龍茶，冰涼透心，最重要嘅係甜度係來自蜂蜜非糖水，所以夠晒健康。好開心，呢頭又多咗一間甜品店，多咗一個選擇~