泰樂小排檔

营业中

休息中

食物份量一啲都唔細嘅泰菜小排檔泰式炸蝦餅蝦餅有四件，出面層炸衣好薄，食落唔會成口油，配埋個甜酸醬食仲會冇咁熱氣。泰式燒牛肉呢碟燒牛肉肉質一啲都唔嚡，咬落去係食到有好濃郁香料嘅醃味加埋本身嘅肉汁，同埋佢配埋個酸辣醬一齊食，有多重味道衝擊，好快就食哂成碟。泰式炒金邊粉（蝦）喺香港要食好嘅炒金邊粉最緊要係本身個粉係咪好似泰國嗰啲咁煙韌，呢度就完全符合到我要求，仲要份量超大，炒得好有鑊氣，佢本身個汁唔會太酸太甜，味道適中，配上兩隻肉質彈牙嘅大蝦，食得非常滿足。香葉肉碎煎蛋飯（豬）一上台見到肉碎同飯嘅份量都好多，飯上面有我鍾意嘅燶邊加流心荷包蛋，肉碎就炒得好乾身，食落香料味重仲少少辣，送飯一流。芒果沙冰我第一次飲芒果沙冰係有隻碟放杯下面墊住，即係証明杯沙冰份量係多到瀉，同埋杯沙冰飲落唔係加糖水嗰種死甜，而中間仲有好多粒芒果肉，$38黎講CP值爆燈。泰式龍眼冰我朋友飲呢杯龍眼冰就話好清甜，仲有好多粒龍眼肉食可以解膩。