一豚豬手專門店

3個人食晚飯唔知食咩好，又唔想煮，所以就上外賣網睇下有咩。見到一豚可以送到過嚟，咁啱又有3人餐啱啱好。送到嚟後先發現3人餐原來有原隻豬手，仲有一大盒雞，再加豆腐同鴨胸，仲有3盒白飯，份量到多到真係團年飯嘅份量，3個人真係食唔哂，最後分咗2餐，第2日晏就再食。味道而言，雞就係普通燒味店買到啲雞肉，不過不失冇咩特別。豬手就係黑椒豬手，都係普普通通冇咩特別。反而豆腐同鴨胸略勝一籌，2樣都特別適合送飯，鴨肉滑肉質軟嫩，豆腐嘅調味唔會太咸個汁又啱送飯。如果大食嘅朋友叫3人餐一定夠食有餘。