意粉屋 (已結業)

每年嘅冬天，我第一時間想起火鍋，但芝士火鍋對上一次食都係前兩年嘅事喇…所以好口痕，今次約左兩個fd再去食!我地去到唔洗等位，可能仲未到黃金時間。第一時間我地緊係點個芝士火鍋套餐啦，我地覺得三個人唔食，所以再叫左我最最最愛嘅拿破崙，每一次去意粉屋都必點嘅，再一個煙三文魚pizza ，再叫左一大雀凍Lemon tea 。無幾耐，芝士火鍋黎喇，我出奇左，因為佢份量比我上兩年食嘅多左好多，同樣貌好睇左，好吸引呢仲有伴個煙三文魚沙律，同煙牛肉片，主菜嘅配料有薯條，蜆，辣肉腸，西蘭花，豬肉丸，磨菇同螺絲粉。真係好豐富芝士鍋拎出黎嘅時候仲熱熱地，唔洗等好耐就可以落食物。佢啲薯條仲係岩岩炸出黎，好脆口;而蜆肉細左啲，但係都幾彈口;辣肉腸我覺得真係幾辣;豬肉丸都幾爽口!拿破崙意粉真係好香，都係我每次必點嘅意粉好味最後係煙三文魚pizza ，我地叫左薄批脆啲，同加上用本身有咸味嘅煙三文魚做配料，口感特別。今次嘅飯局好滿足呢