僕之拉麵 (已結業)

最近堂食限制又收緊，放工經過拉麵店又好想食拉麵，惟有買個外賣返去食，雖然拉麵真係職場食會比較好食，但係舖頭都盡量處理得好好，將湯分開，連紫菜都獨立擺開，麵條特登煮到唔係好冧，亦有過冷河，拎咗半個鐘返屋企都仲係好有口感。食肉朋友必試呢間僕之拉麵店，佢嘅拉麵有多到令人滿足嘅燒叉份量。🌟 特選拉麵除咗大量叉燒之外仲有塊炙叉燒。叉燒夠薄身，食落好嫩口。炙叉燒將油香帶晒出黎。另多湯底濃厚，拉麵掛湯食落好有層次。🌟 肉愛食者拉麵差唔多有成十塊叉燒加上叉燒粒。叉燒粒主要用瘦肉煮出嚟，望落好似好乾但食落去都算冧身完全唔覺得鞋。另外值得一讚佢嘅溏心蛋好入味，蛋黃橙黄色又流心。🌟炸餃子餃子嘅餡好飽滿，餡料好有豬肉味，食落外脆內軟，配拉麵一流。