世一冰室 (已搬遷) 新店位置

世一冰室店如其名，食物同環境都係世一。今次嗌左老闆推薦既吉列豬扒蛋包飯（佢話咖喱汁好食啲，不過我一啲辣都唔食得🥲）同芝士漢堡扒蛋包飯。個飯一黎到，即刻比佢既份量震驚左！豬扒既size差唔多有我塊面咁大，比酥脆既面衣覆蓋住，都唔知邊度落手好～飯既份量都係誠意十足，真心抵食。照燒汁雖然比較鹹，但配上蛋同飯就啱啱好。試左少少咖喱汁，其實真係得少少辣，幾香。整體環境好乾淨好企理，裝修都好靚。新開既街坊小店，經過長沙灣一定要去試下！