火焰燒雞一上枱就有戲睇店員淋酒點火，雞皮燒到嗞嗞聲，雞皮好脆身，肉質竟然keep到嫩滑，點埋個酸辣醬更醒胃。
生蝦刺身夠冰凍，蝦肉彈牙，蒜片、辣椒同秘製魚露一齊食，辣得嚟又鮮甜。
泰式青咖哩燒羊架有驚喜，羊架燒得外表好香，肉質好淋唔會乾，再點埋個青咖哩，椰香味濃郁。
明爐烏頭湯底清甜，酸菜同香茅吊出魚嘅鮮味，有埋鮮檸檬、菇同肉碎就更加開胃，檸檬葉同肉碎令成個湯變到好惹味，魚肉大件好滑。
泰式牛肉濕炒河好有鑊氣，牛肉大片肉質好淋，汁芡撈得勻勻循循。
飲品方面，椰汁冰同龍眼冰都夠濃味，唔會淡茂茂，飲完成個口都涼浸浸，好舒服。
