又一戟 (已結業)

由於疫情關係避免除口罩邊行邊食，所以幫襯app外賣自取，可能由於疫情關係，而家經app外賣自取有八折而且買滿100蚊用優惠碼 "PICKUP"仲可以減15蚊葵芳依間又一戟已經幫襯咗幾次，每次幫襯都一定會買佢杯奶昔飲，佢既曲奇奶昔同埋士多啤梨奶昔真係好好飲，比起旺角另一間又一戟好飲好多，望住店員用四至五球雪糕同奶打成，整杯奶昔好creamy味道好濃，麥當勞一杯奶昔都要13.5蚊，其他飲品店既飲品都要差不多20蚊杯，佢地既奶昔只不過係10蚊一杯，相比之下佢既CP值真係好好，以依個價錢真係抵飲，解渴一流！！除咗佢既奶昔好飲之外，佢既吞拿魚班戟同埋咸牛肉班戟都好正，份量好足料，好食！！