麻辣風雲 (已結業)

Save咗呢間想試好耐，今日終於食到喇😋位置喺瓊華中心10樓全層，一出旺角站E2出口就到，非常方便。環境企理乾淨，裝修仲好特別添！辣子豆腐：賣相夠大堆頭，超多辣椒😅 入口又無想像中咁辣喎！係有層次嘅嗰種辣，唔油膩。呢道菜係先炸香再翻兜，令豆腐皮脆又保留到嫩滑嘅口感，讚！酸菜炒肥腸：呢碟菜唔係度度有得食㗎🤩 以前未封關時北上食過，一直念念不忘。所以menu見到有，梗係叫返碟嚟試下啦！值得一提嘅係餐廳嘅酸菜係自制，調味好香，酸度都足夠。肥腸真係好肥美，有咬口！係我之前食過嘅味道呀，好感動🙌🏻兩道餸都鑊氣夠，又大大碟，送幾碗飯都得，好抵食！果然無令我失望🤣👍🏻