銘興山西刀削麵 (大同新邨)

营业中

休息中

陪朋友去大角咀辦點事，事後請我食晚飯，我哋都喜歡食刀削麵，知道附近有間銘興山西刀削麵，環境乾淨，燈光明亮，主打刀削麵，純手工製作，即叫即削，而且分量十足！刀削麵可揀冷拌、熱拌同湯麵三款選擇，配以不同美食食材，味道有辣有唔辣，總有一款啱口味。花雕醉雞刀削麵：雞肉吸收花雕香味，酒味不會太搶，味道啱啱好，雞肉皮爽肉嫩。還有隻溏心蛋，蛋香十足。刀削麵有厚有簿，每條都有口感，湯底清甜。豬軟骨刀削麵：豬軟骨非常入味，肉質軟腍，加上爽口嘅軟骨，食落充滿口感！包裝小豆腐外脆內滑，面上灑咗孜然粉。非常惹味。香炸Q彈墨魚餅新鮮彈牙，點些泰式酸甜醬，味道更佳。手工韭菜豬肉餃子：即叫即包，饀料飽滿，韭菜和肉比例剛剛好，入口充滿韭菜香味華田脆爆：甜美嘅阿華田上面鋪滿阿華田脆脆 ,味道與口感更豐富。凍檸茶：茶味濃又有檸檬酸香味，清爽涼快。