金凱小廚 (已結業)

平日一行二人7:00入坐，不用等位。(食到8點左右已經成間餐廳滿坐，如果大家食8點記得早小小卜位)我地今次選左中間位，雞煲，串燒火鍋放題，一黎到就會比左雞煲你先，然後同你講兩分鐘後食得，我地叫左小辣，係香口同重口味既雞煲，正🤤佢雞肉都好入味，佢可以再添加。食完雞煲之後，就轉火鍋~本身以為佢就咁加湯落去，點知佢成煲換比我，有5款湯底，我地選左花膠雞濃湯。有花膠，蟲草花，同娃娃菜，本身湯底好清甜👍🏻佢既火鍋配料都好多選擇，有埋鴨血，鮮栢葉，枝竹，手打丸。。。仲有好幾款唔同既牛，特別推介美國SRF黑毛和牛肉眼，勁重牛香味！然後到仼食串燒部分，佢有分三大類，肉，海鮮，同野菜類。我地就乜都試小小。佢有芝士/蒜蓉焗生蠔/帶子！雖然唔算好大粒但好惹味！佢好多肉類都係用孜然粉，勁香口同重口味！仲有燒雞泡魚干！288一位竟然會有燒雞泡魚干！仲要燒得好食！omg！必點！仲有覺得佢燒得特別出色既係燒菠蘿，雞軟骨，仲有秋葵！我都估唔到秋葵原來可以燒得咁好食，我念我前前後後叫左10條。安格斯牛粒串都好正。總結: 一路打住火鍋，一路等串燒上菜，個口一直無停過，但都keep住覺得好好食。真心，仼食串燒黎講佢好出色，