松屋日本料理 (已結業)

上個星期六同屋企人去松屋食放題(8:45-11:00), 佢地由中環搬咗去銅鑼灣,真係就腳咗好多,地方大咗又無咁多油煙,雖然di位窄咗di,但舖租貴無辦法,大家坐親密di啦!一坐底即刻order我嘅至愛燒牛舌,豬大腸&三文魚刺身...嘩!好正..^_^, 唯一唔好係di刺生,切到細細舊,成粒骰仔咁,要order好多次先至夠喉,跟住喪食炸蝦天婦羅,炸蠔,手卷,我坐窗口位,望住個阿一鮑魚廣告牌,咬住舊鮑魚刺身,真係特別好feel.叫咗枝豆送啤酒(任飲),最後食埋個紅豆+綠茶雪糕(有安哥),非常圓滿! 結論=抵食!