響日本燒肉 (已結業)

話說小肥妹有位朋友成日都話要增肥，所以今次專登搵間燒肉放題陪佢一齊唰餐勁嘅🤣⁣⁣• 美國、澳洲和牛78款 $398/位 (星期日至四早段)⁣刺身拼盤有生蠔、有頭甜蝦、帶子、三文魚、油甘魚、劍魚腩、北寄貝同八爪魚。蠔肉幾creamy，係爭咁啲海水味，帶子同甜蝦都比較出色，人稱「甜蝦殺手」嘅我當然唔會放過😎⁣⁣肉類嚟講有澳洲同美國產兩地嘅牛肉，我自己一向都偏向鍾意澳洲牛多啲，比起美國牛嘅脂肪相對上平均，油脂亦較豐富！依度嘅肉類質素都真係幾唔錯，溶雪方面做得幾好，絕大部份肉質都軟嫩又juicy，基本上唔洗點燒肉汁已經好好味，尤其係澳洲和牛肉眼，我同朋友都encore咗幾轉😚除咗牛肉之外當然唔少得雞同豬，豬肉採用嘅係日本直送嘅米澤三元豚，特別都想讚下個雞翼，好少地方醃得咁入味。骨付雞肉腸唔係度度都有，食落有啲似司華力腸，要小心爆汁🤭⁣⁣燒肉以外仲有天婦羅、炸物、沙律等等，我就淨係試咗榴槤炸彈，炸得唔油膩幾乾爽，香脆之餘又好似麻薯咁煙煙韌韌，中間包住流心嘅榴槤餡，味道勁香濃，滿足到我依個榴槤控！甜品方面更有Movenpick雪糕任食，食返幾個都抵返曬🥰