燒魂 (已結業)

呢間餐廳喺尖沙咀區都算係老字號，地點好容易搵添，喺大街大大個燒魂招牌就見到！餐廳空間感夠，樓底都幾高👍🏻一坐低我哋已經急不及待order大大盆刺身，一邊燒肉一邊食凍冰冰嘅刺身，一熱一凍，相當過癮！刺身類有主打大大隻甜蝦、日本八爪魚、三文魚、希靈魚、帶子等，甜蝦目測每隻都有5cm，肉質Juicy，帶子切得厚身，不需過多嘅調味，已經夠鮮味。最鍾意呢個放題可以任點任食和牛，牛肉肥瘦均勻，塊塊都有雪花，牛味濃，入口已feel到高質。因為太多選擇，我哋今次真係食夠120分鐘，好正！