王子飯店 (已結業)

打過電話去，佢話無得book位，仲話有好多人去位添，仲要星期一至五先有供應，上個星期五，同個friend兩點鐘到，己經見到一條人龍，咁咪跟住排囉，點知，真係到位喎！兩點半先入去，裏面唔係好大，但真係望住維港架，最衰我地遲，坐唔到海景，不過我地張係四人，都好舒服．佢地係tick飛仔既，飛仔上都有好多野食，都預左份量一定唔大，好多點心都係兩粒，蝦餃幾好，燒賣一般咋，XO醬帶子炒腸粉幾正．牛仔骨都好淋，好夠味．最衰食唔到天下第一包，奶黃包好正，我地都忍唔住反抄．真係直得再試．