八幡屋涮涮鍋 (已結業)

今日同朋友去旺角打邊爐，餐廳位於瓊華中心12樓，入面掛咗好多好可愛嘅達摩公仔，有好多日本元素。我哋叫咗個C3 set，有150分鐘俾我哋任食，呢一個set有，3款牛肉，2款豚肉任食，其中一款任食牛肉仲係M5 和牛，另外仲有美國進口牛肉和牛肩胛，超着數。除咗肉之外，餐廳仲有十幾款刺身任食，每款都超新鮮，壽司，海鮮，燒物，炸物，甜品，飲品都係任食任飲，性價比極高，超多嘢食。餐廳仲有一個好有特色嘅賣點，就係清酒可以任飲。如果鍾意飲清酒嘅朋友，更加唔可以錯過，一邊打邊爐一邊飲清酒，超級享受點咗一個骨膠原豬骨湯，豬骨湯味非常濃郁，我哋仲攞咗好多唔同火鍋材料，響鈴，水魷魚，豬紅，丸類，青口，帶子，蝦🦐，烏冬。仲有一啲日式涼拌小食＇中華沙律，日式螺肉，毛豆等等，食得好滋味。