一鼎‧台式火鍋 (屯門時代廣場北翼)

营业中

休息中

Item: 一鼎‧台式火鍋 (屯門時代廣場北翼)
Rating: 4
Author: chenghongni

Top Pot Taiwanese Hot Pot (Trend Plaza North Wing)

4.5

228 食记

味道

环境

服务

卫生

抵食

7471

屯门

$201-400

台湾菜火锅任食/放题少盐少糖食店

197

资讯:
餐厅:	一鼎‧台式火鍋 (屯門時代廣場北翼)

为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html

chenghongni

等级4

106

近排去試咗一鼎台式火鍋放題，真係幾正！晚市套餐由 $299 起，有 90/120 分鐘用餐時間。唔止有好多自助火鍋食材，仲有開胃前菜、特色鍋物同台灣小食，跟餐仲可以揀埋滷肉飯同即製手工麵等！我同老公就揀咗 $319 嘅澳洲200日穀飼牛🥩 套餐，已經包埋罐裝同樽裝飲品，仲有 draft beer、罐裝啤酒同水果酒，真係好易飲飽食醉🍲🍻 🥣 湯底方面，一鼎每日新鮮熬製 8 款湯底！我哋揀咗呷醋豬（酸菜白玉）同美花膠湯底（+$19），兩款湯底都加咗花膠，尤其美花膠超大塊又厚身，一口氣食完已經飽咗一成！ 🦐 至於火鍋食材質素都好唔錯，牛肉等級視乎套餐而定，不過我就偏愛澳洲純和牛，肉味較濃，油花均勻，薄切但算新鮮，一次過淥幾片啖啖肉咁食更過癮！其他肉類仲有封門肉、草飼羊、牛胸爽、梅花肉同特級牛舌等。海鮮方面有白鱔、帶子、流心芝士蟹柳棒、水魷魚、八爪魚、海蝦同帆立貝，加埋任食嘅花枝滑、蝦滑、花膠、牛骨髓、年糕福袋同豬皮等，仲有台灣直送食材，例如紫蘿蔔同水蓮，真係好多選擇！ 🍢 一鼎嘅台灣小食都好豐富！有鹽酥雞、三星蔥燒串花枝、蒜味小香腸、黑糖麻糬、炸豆腐、白芋咸蛋流心球等，掃 QR code 仲

🥣 湯底方面，一鼎每日新鮮熬製 8 款湯底！我哋揀咗呷醋豬（酸菜白玉）同美花膠湯底（+$19），兩款湯底都加咗花膠，尤其美花膠超大塊又厚身，一口氣食完已經飽咗一成！

🦐 至於火鍋食材質素都好唔錯，牛肉等級視乎套餐而定，不過我就偏愛澳洲純和牛，肉味較濃，油花均勻，薄切但算新鮮，一次過淥幾片啖啖肉咁食更過癮！其他肉類仲有封門肉、草飼羊、牛胸爽、梅花肉同特級牛舌等。海鮮方面有白鱔、帶子、流心芝士蟹柳棒、水魷魚、八爪魚、海蝦同帆立貝，加埋任食嘅花枝滑、蝦滑、花膠、牛骨髓、年糕福袋同豬皮等，仲有台灣直送食材，例如紫蘿蔔同水蓮，真係好多選擇！

🍢 一鼎嘅台灣小食都好豐富！有鹽酥雞、三星蔥燒串花枝、蒜味小香腸、黑糖麻糬、炸豆腐、白芋咸蛋流心球等，掃 QR code 仲有更多隱藏選擇！建議最少 4 個人一齊嚟，就可以一齊 share 唔同嘅小食，咁就唔怕食得太飽又試少咗嘢。

🍹 喺飲品方面，除咗好多台灣口味嘅飲品同自家製冷泡茶，最開心係佢哋即叫即沖嘅 4 款台式飲品都已經包喺餐入面，有芝士綠研、百香果三重奏、香水檸檬同黑糖珍珠鮮奶。如果揀 $419 嘅套餐，仲有多一款莓芝莓芝可以試！而我哋揀嘅餐本身都已經包咗 Asahi、1664 同 Suntory 啤酒同水果酒，所以話無論你係唔係大胃王，喺限時內食唔多都一定可以飲得飽。