影片
更多
2020-10-12
116 浏览
今日嚟試下呢間位於荃灣嘅雞煲火鍋專門店。一坐落即上一煲招牌雞煲，香味撲鼻。二人份量都唔少，因為我唔太食得辣，所以只係叫咗微辣。睇顔色應該都幾好味，食落果然惹味，雞肉嫩滑，係唔太辣，反而麻多啲，而且越食越麻，後勁十足。食完雞煲，自己倒入上湯就可以淥其他嘢食。手機掃入座紙上面嘅QR Code就可以自助落單。種類都幾齊全豐富，豬牛羊雞、海鮮、蔬菜乜都有。因為已經食咗雞，羊肉又怕羶，所以淨係嗌咗雪花肥牛同特級肥牛。雪花肥牛食落好甘，特級肥牛脂肪多小小，食落就比較爽口。響鈴、山根、炸枝竹都係我哋嘅飛佛，值得一讚嘅係芝士豆腐，裡面好香甜嫩滑，而且有芝士嘅香味同煙韌。台灣一口腸都唔錯，外皮脆口，肉質爽甜，仲有小小辣。魚皮餃爽口，好香嘅蝦醬味。炸魚皮好香脆，個人覺得味道較淡，可以落湯放淋先食，一樣惹味。蔬菜都幾新鮮，娃娃菜、生菜、萵筍爽甜，仲有金菇、秋葵等等。飲品種類唔等太多，有一款冷泡茉莉綠茶，淡淡嘅茉莉花味，冰涼嘅口感，又無糖，啱晒打邊爐。仲有自制甜品嘅，可惜食得太飽，已經冇位再試啦。
一坐落即上一煲招牌雞煲，香味撲鼻。二人份量都唔少，因為我唔太食得辣，所以只係叫咗微辣。睇顔色應該都幾好味，食落果然惹味，雞肉嫩滑，係唔太辣，反而麻多啲，而且越食越麻，後勁十足。
食完雞煲，自己倒入上湯就可以淥其他嘢食。手機掃入座紙上面嘅QR Code就可以自助落單。種類都幾齊全豐富，豬牛羊雞、海鮮、蔬菜乜都有。因為已經食咗雞，羊肉又怕羶，所以淨係嗌咗雪花肥牛同特級肥牛。雪花肥牛食落好甘，特級肥牛脂肪多小小，食落就比較爽口。響鈴、山根、炸枝竹都係我哋嘅飛佛，值得一讚嘅係芝士豆腐，裡面好香甜嫩滑，而且有芝士嘅香味同煙韌。
台灣一口腸都唔錯，外皮脆口，肉質爽甜，仲有小小辣。魚皮餃爽口，好香嘅蝦醬味。炸魚皮好香脆，個人覺得味道較淡，可以落湯放淋先食，一樣惹味。
蔬菜都幾新鮮，娃娃菜、生菜、萵筍爽甜，仲有金菇、秋葵等等。
飲品種類唔等太多，有一款冷泡茉莉綠茶，淡淡嘅茉莉花味，冰涼嘅口感，又無糖，啱晒打邊爐。仲有自制甜品嘅，可惜食得太飽，已經冇位再試啦。
张贴
