極尚大瀛喜日本料理

营业中

休息中

好鬼耐無食放題，冚家都好刷得，出了雙糧，見屋企附近呢間放題開咗咁耐都無幫襯過，一於去刷飽飽! 其實因為隔離話呢間上野快，都多野食我先㨂。食放題，我地一定揀飲品先，我發現飲品櫃有勁多凍飲揀，原來重有D暖飲，因為我唔係好飲凍野，見有蜜瓜豆奶，冬蜜青檸，都好啱我。D野未嚟，同朋友出去個自助區攞下野食先，其實自助區真係無得同酒店比，叫有D選擇，不過D野新鮮，有D沙律菜，蕃茄仔，泡菜，青口食下都幾好，唔駛下下肉，平衡下。我覺得呢間D沙律小食係唔錯，有皮蛋，泰式鳳爪，枝豆，胡麻豆腐，又有蟹籽沙律，大蝦沙律，D沙律幾啱細佬仔食，D小食幾好味的。因為我地都唔食生野，集中叫埋D壽司，卷物，手卷，燒烤，炸野同其他一品料理，D卷物呢度做得好食，而炸野最好食係炸雞翼同D天婦羅，我最愛係花膠，叫了8次無漏單!甜品如雪條，雪糕，凍甜品(我覺得雪糕無名牌，但食得過，D細佬都like)，出去狂攞，食到好飽呀。呢餐肯定回本。