緣聚鮮鍋 (已結業)

天氣涼涼地，最啱打邊爐🍲，荃灣緣聚鮮鍋做緊120分鐘任飲任食，地方大，食物種類多，冷盤熱菜、壽司刺生、沙冰雪糕、沙律甜品、熱湯熱茶、啤酒汽水，樣樣齊全，真係超飽超滿足💯。除了自助餐火鍋放題，仲有抵食價$10一隻即開法國/日本生蠔。老公點了特級牛肩胛內眼，我就較為喜歡農場雞件🐓，幾有雞味，西班牙梅頭豬肉也不錯，青口超大隻，食埋多款壽司已經飽飽哋，攞返啲蔬菜菇類平衡一吓，然後再飲了一碗紅蘿蔔湯，最後再來一杯蜜瓜味沙冰和豆腐花，食咗咁多，人均消費都不用三百元，真係平過自己喺屋企煮😉。總括而言，餐廳衛生情況良好，店員上菜和收碟都很有效率，價錢合理而且選擇多，十分推薦！