緣聚鮮鍋 (已結業)

應該都有成半年無食過雞煲喇陰公簡直係刷新紀錄無晚市就一直無食過今晚終於可以大解放，同朋友黎荃灣大鴻輝，兩個人當然要揀d任飲任食先可以食得多款我地揀左三樓既緣聚鮮鍋，呢間地方超大，又多卡位，張張都係四人枱，一定唔會逼夾，坐得舒服先食得盡興我地揀左套餐B，限時120分鐘雞煲任食，食完可以＋$20/29轉湯底，如果唔加錢，都一樣可以用普通加湯既湯底繼續打邊爐！可以用QR code落單，自助區亦有熟食，蔬菜，飲品，啤酒，甜品，丸類等。雪糕款式有雀巢甜筒重有好多隻味既杯仔啤酒選擇都好多，有韓國燒酒、藍妹呢d比較貴少少既翻本牌子主角出場了，雞煲份量足，配料都好豐富，洋蔥，翠玉瓜，三色椒，色彩繽紛，望到已經流口水🤤🤤雞肉結實，好入味，成個雞煲濃郁惹味，越煲越辣，勁正食完雞煲，可以轉邊爐我地揀左黑蒜，湯底好濃郁好香蒜味，湯底重有幾粒黑蒜添極推介海蝦，有d腳仔重識郁，蝦肉非常結實新鮮，點左五六隻都無一隻唔爽，又有蝦味最估唔到係佢個流心奶皇牛角包，我隊左兩個，真係外脆內鬆軟，又流心又有咸香，食完絕對唔會覺得嘥位芝士撻又係驚喜，好creamy 好有芝士味，皮又夠脆，好食過出面cake shop添呀！