潮州鹵漢大飯店 (已結業)

呢間鋪頭有任食火鍋，我地簡既呢個套餐連海鮮都係任食，仲要食到150分鐘，慢慢食！湯底我地簡特色麻辣鍋，好辣好香，成個湯都有好多辣椒花椒，同埋大蔥大蒜，好多好好嘅調味，越滾越出味，超級好食！而打邊爐嘅肉類亦都有好多，有牛羊同豬，當中牛都好好食，都係呢度嘅主打之一，牛係用安格斯牛，牛板腱嗰啲都肉質好好，好林身，亦都好重牛味，打邊爐一流！另外有個不得不提既手搖海鮮袋，有三種味 ( 蒜蓉味，醬油漬，麻辣），我地就食麻辣味，海鮮袋入邊都有好多唔同海鮮，例如有龍蝦，扇貝，蜆，仲有啲粟米啊蓮藕咁樣，全部都係好新鮮嘅，海鮮袋入邊嘅海鮮都好入味，充滿麻辣味，食到海鮮嘅鮮味亦都食到麻辣味，好正！另外依度嘅飲品都係任飲，仲有健力士嘅黑啤，打邊爐飲啤酒，超正！