蝦蝦燒 (已結業)

燒烤食得多今晚同朋友去咗呢間好有特色嘅主題燒烤店，生猛流水蝦🦐大大隻生猛嘅大頭蝦任食唔嬲😋入座後，店員好細心講解夾蝦技巧同食法，水缸內嘅🦐大頭蝦好生猛，夾上嚟嘅時候記得放入冰涌浸30秒左右，可以剪走蝦鬚再放上爐燒方便食。生猛嘅大頭蝦🦐燒熟後爆膏，肉質新鮮彈牙。每人仲送一串新鮮白鱔，肥美鮮甜。餐廳除咗流水蝦任夾任食，自助區仲有多款海鮮、串燒、蔬菜等…同樣任食🤩設有調味料區，自己隨意配搭口味👍🏻牛油、蒜蓉、粉絲、薑蔥等…🐟海鮮自助區有鮑魚、生蠔、扇貝、蚌、蜆、原條魚、魷魚等…🍢串燒自助區有雞翼、雞軟骨、雞柳、牛仔骨、牛肉、腸仔、豬仔髀、羊架、墨魚咀等…🥬蔬菜類自助區有翠玉瓜、茄子、菠蘿等……飲品甜品區有啤酒🍻汽水🥤茶☕️，甜品有芒果布甸同杯裝雪糕