味火鍋 (雅仕洋樓)

依家普通嘅打邊爐放題已經滿足唔到我啦😝尖沙咀呢間味火鍋一個價錢可以食足4 parts~餐廳裝修以中古風為主分2 層，座位都較寬闊，最岩一班好友嚟打邊爐😝頭盤已經好吸引可揀老檀酸菜魚、四川麻辣雞煲、芝士焗波士頓龍蝦、美國生蠔，今次就揀咗芝士焗龍蝦，平時比較少見會咁配打邊爐😝其實龍蝦已經開好邊，輕輕一起就已經食得，啖啖肉，芝味十足！打邊爐嘅湯底有十幾款，當然要咗美顏首選嘅花膠雞湯，入面真係一片片大花膠，而烏雞鮮味嫩滑，單飲個湯都唔錯！隨即就上咗海鮮火鍋拼盤、蔬菜盤、同美國安格斯牛肉拼盤~海鮮火鍋拼盤真係好足料，有蝦、蜆、花甲、聖子等，鮮味而且款多，美國安格斯牛肉拼盤有齊打邊爐必食嘅牛部位，牛肩胛口感厚實卻又軟嫩~最鐘意就牛板鍵味道較濃，食唔夠仲可以encore而自選打邊爐配料都幾多款，必食鴨血、魚皮等，而且上菜都好快，邊食邊同朋友吹水真係好正！味火鍋🐻尖沙咀亞士厘道10-14號雅士洋樓地下及1樓全層